O PG deixa a corporación local "porque os vigueses non entenderon o seu proxecto"

"Non se visualizou o proxecto e non acabamos de conformar un electorado", xustificaba onte Manoel Soto como causa "principal" da derrota. Os vigueses "non acabaron de entender" un proxecto que a pesar de perder os dous concelleiros cos que contaba seguirá traballando "dende fora" para axudar "lealmente" o novo Goberno vigués, pero "cun sentido crítico". Outras razóns aducidas para a perda de máis de cinco mil votos foron a escasez de medios económicos da campaña do PG e unha "polarización do voto" debido a confrontación en todo o Estado entre PP e PSOE.

A número dous do PG, Maite Fernández, agradeceu o apoio dos vigueses que votaron a súa formación "Seguiremos traballando todos os días. Non vamos a defraudar as persoas que apoian este proxecto", asegurou.

O igual que Manoel Soto, mostrou a súa disposición a colaborar coa nova corporación viguesa: "O noso amor por Vigo está por enrriba de cualquera outra cousa" e remataron a súa intervención asegurando que escomezarán a traballar dende hoxe para volver a corporación local.

O Partido Galeguista quédase sen representación no concello de Vigo

O Partido Galeguista sufriu este domingo un duro varapalo electoral. Despois dunha longa e traballada campaña electoral, o partido de Manoel Soto apenas acada 5000 votos e se queda moi lonxe da representación na corporación local, cun 3,25 % dos votos.

Mentres Abel Caballero recuperará a Alcaldía de Vigo para o PSOE, en coalición co BNG, ó obter nove concelleiros e alcanzar, cos cinco edís dos nacionalistas, a mayoría suficiente para gobernar os próximos catro anos. O PP mellora os seus resultados de 2003 e acada tres concelleiros máis, aínda que se queda a un da maioría absoluta.

Manoel Soto desexa que a "xente acuda a votar en conciencia a mellor opción para Vigo"

Manoel Soto acudiu a votar ás 11 da mañá ao Colexio Mosteiro de Bembrive, parroquia na que está censado. Estivo acompañado en todo momento pola súa familia e os seus simpatizantes, que non o deixaron de apoiar en toda a xornada electoral.